30 December, 2023
24 December, 2023
४१ औं राष्ट्रिय जुनियर तथा युवा रेडक्रस गोष्ठी पोखरा, कास्कीका फोटो तथा भिडियो
४१ औं राष्ट्रिय जुनियर तथा युवा रेडक्रस गोष्ठी पोखरा, कास्कीका फोटो तथा भिडियो प्राप्त गर्न यहाँ क्लिक गर्नुहोस् ।
41th National Junior Youth Red Cross conference, Pokhara
19 December, 2023
विद्यार्थीलाई स्टेशनरी सहयोग सहित नगद पुरस्कार
विद्यार्थीलाई स्टेशनरी सहयोग सहित नगद पुरस्कार
के.आर. ढकाल
०३ पुस, अन्नपूर्ण ।
अन्नपूर्ण गाउँपालिका वडा नं. ९ तिखेढुङ्गामा रहेको श्री भगवती माध्यमिक विद्यालयमा मंगलबार कमसार्की सुनकुमारी गुरुङ एजुकेसन फाउन्डेसन ट्रष्टबाट विद्यार्थी तथा शिक्षकहरुलाई स्टेशनरी एवम् शैक्षिक सत्र २०७९ मा उत्कृष्ट नतिजा प्राप्त गर्न सफल विद्यार्थीलाई नगद पुरस्कार प्रदान गरिएको छ ।
16 December, 2023
'एक्स'
 |
| के आर ढकाल पोखरा |
लघुकथा : 'एक्स'
साधारणतया औसत भन्दा धेरै नै समय फेसबुकमा झुन्डिएको थिएँ । कुनै ग्रुपकी एक अपरिचित केटीले स्टाटस हालेकी रहिछन् "यो ग्रुपबाट एउटा दाइ बनाउने बिचारमा छु।"
खासै यी र यस्ता कुरामा विस्वास नै लाग्थेन । तर पनि सामाजिक सञ्जाल बाट नै दाइ बनाउन दर्खास्त आह्वान भएकोमा नौलो लाग्यो । म घरको कान्छो, घरको मात्रै होइन लगभग मेरो पुस्ताको नै कान्छो थिएँ । मलाई दाइ, दिदी, भतिजा, भतिजीको नातो त्यति दुर्लभ थिएन तर मेरा भाइ बहिनी भने शुन्य । मैले पनि दर्खास्त पेस गरेँ, कमेन्टमा ।
19 November, 2023
तेस्रो अन्तरविद्यालय रङ्गोली प्रतियोगिता हुने
तेस्रो अन्तरविद्यालय रङ्गोली प्रतियोगिता हुने
०४ मंसिर, अन्नपूर्ण ।
के.आर. ढकाल
29 September, 2023
‘जन्मदिनको शुभकामना !’
‘जन्मदिनको शुभकामना !’
‘बा’ हुन खुब गाह्रो छ,
अझ ‘बा’ जस्तै ‘बा’ हुन झनै गाह्रो छ,
‘बा’ नभएर पनि ‘बा’ जस्तै हुन कति गाह्रो होला ?
19 September, 2023
आन्दोलनको मैदानबाट विद्यार्थीलाई चिठी
|
| के आर ढकाल पोखरा |
विद्यार्थीलाई चिठी
मिति : २०८० असोज ०३ (संविधान दिवस)
प्रिय विद्यार्थी !
आज हामी शिक्षकहरु वाध्य भएर आन्दोलनको मैदानमा छौँ । मैले कक्षामा पटक पटक भन्ने गरेको थिएँ नि, “द्वन्द्वको असर दुई प्रकारको हुन्छ । कि त द्वन्द्वले सकारात्मक परिवर्तन ल्याउँछ, कि त ध्वंस मात्र हुन्छ ।” हो, आज हामीहरु सकारात्मक परिवर्तन र अग्रगमनका लागि आन्दोलनमा छौँ । यो हाम्रा लागि मात्र गरिएको आन्दोलन होइन, यो तिमीहरु जस्ता साना विद्यार्थीहरुले भविष्यमा फेरि आन्दोलन गर्न नपरोस् भन्नको लागि गरिएको आन्दोलन हो । शिक्षा विषय लिएर कक्षा ९ देखि १२ सम्म पढ्दै गरेका मेरा प्रिय विद्यार्थी, के तिमीहरुलाई राज्यले हेपेर राखेको शिक्षक बन्न मन लाग्छ ? कि सम्मानित शिक्षक बन्न मन लाग्छ ? हो, हामीहरु त्यही तिम्रो सुन्दर भविष्यको लागि आन्दोलनमा छौँ ।
प्रिय विद्यार्थी, झट्ट हेर्दा तिमीलाई पनि लाग्न सक्छ, शिक्षकले कक्षामा आएर पढाइदिए हाम्रो पढाइमा घाटा पर्ने थिएन । एक हिसाबबाट तिम्रो तर्क बेठिक होइन, तर फेरि सम्झ त मैले पढाएको कुरा । “शिक्षण त कला र विज्ञानको समिश्रण हो ।” मनभरि पीडा, मस्तिष्कभरि तनाब लिएर कक्षामा आएको शिक्षकले पढाएर तिमी सन्तुष्ट हुन सकौला ? पक्कै सक्दैनौ । त्यसैले शिक्षकमाथि राज्यले गरेको यो विभेद हट्नु जरुरी छ ।
“मैले कक्षामा भन्थेँ नि, “जे बोलिन्छ त्यो गर्नुपर्छ । जे गर्नै सकिँदैन, त्यो गर्छु भन्न हुँदैन” भनेर । हो नेपाल सरकारले त्यही कुरा बुझेन । २०७५ फागुन ९ गते ३० वटा र २०७८ फागुन ९ गते ५१ वटा बुँदामा नेपाल शिक्षक महासङ्घसँग विभिन्न विषयमा सहमति गर्यो तर अहिले त्यो पूरा नगरी शिक्षा विधेयक संसदमा पठाएको छ ।”
17 September, 2023
14 September, 2023
बालाई चिठी
मिति : २०८०/०५/२८ (कुशेऔंसी)
पुजनीय बा,
सेवा ढोग ।
वास्तवमा म सन्चो छु कि छैन ? मलाई नै थाहा छैन, तर सबैले "सन्चै छस् ?" भनी सोध्दा आजसम्म पनि मेरो उही उत्तर छ, "अँ, सन्चै छु ।" तपाइँ त यो भवसागरमा विरामी परिरहने शरिर त्यागेर सन्चो हुने बाटोमा यात्रा तय गर्नुभएको, पक्कै सन्चै हुनुहोला । यही पत्रको माध्यमबाट चिरशान्तिको कामना गर्छु ।
बा, हरेक सन्ततीको लागि आफ्नो बाजति बलियो, जान्ने सुन्ने, बुझ्ने र धनी अरु कोही हुँदैन भन्ने सुनेको मैले तपाईँलाई धेरै बेहोर्न पाइन । प्रत्येक सन्ततीको लागि बा त एउटा रेलको लिग हुन्, जहाँ सन्ततीले आफ्ना इच्छा र चाहनाका डब्बाहरु जोडिएको जिवनको रेल कुदाउँछन्, बिना कुनै सङ्कोच, विना कुनै सन्देह ।
बा हुन त आफ्नाहरुको थाप्लोमा झर्न खोज्ने असिना आफूले छेक्नु पर्दोरहेछ । अरुले नदेखेका भविष्य आफूले देख्नु पर्दोरहेछ । घर चलाउनु पर्दोरहेछ, मन जलाउनु पर्दोरहेछ । अनि मन जलेर निस्किएको उज्यालोमा आफ्ना सन्ततीलाई पाइला चाल्न सिकाउनु पर्दोरहेछ ।
12 September, 2023
बालाई चिठी लेख्ने कार्यक्रम
यो जिवन यहाँसम्म आइपुग्दा आमाको ममता र बाको सुरक्षालाई रथका दुइ पाङ्ग्रा बनाएर अगाडि बढाइयो । उनै पुजनीय बालाई यसपटक हामीले नेपाली साहित्यको पत्रलेखन विधाका माध्यमबाट सम्झने प्रयास गर्यौँ । कथा, कविता, गित, गजल, मुक्तक हाइकु आदि अनेक विधालाई हामीले अगाडि बढाउँदै लैजाँदा नेपाली साहित्यको मौलिक विधा पत्रलेखनलाई कक्षामा पढाइ हुने पाठका रुपमा मात्रै संकुचित गरियो कि ? मनका भावना कलात्मक ढंगबाट सरल र सरस तरिकाले प्रस्तुत गर्न सकिने यो विधाको विकासका लागि यसपाली Skill Bridge Academyले #कुशेऔंसी अर्थात बाको मुख हेर्ने दिनको अवसर पारेर भाद्र २८ गते #विहान_८_बजे अनलाईन प्रविधिको सहायतामा #बालाई_चिठी लेख्ने कार्यक्रमको आयोजना गरिरहेको छ ।
09 September, 2023
08 September, 2023
05 September, 2023
04 September, 2023
03 September, 2023
नेपाल बन्द छ !
माल्दाइ आज यता नआउ नेपाल बन्द छ ।
भो कसैले केही नखाउ नेपाल बन्द छ ।
हे भाउजु प्रसबको पिडा सहेर बस,
नभन "बचाउ! बचाउ!!" नेपाल बन्द छ ।
आमा तिम्लाई कसरी लैजाउँ अस्पताल ?
एक दिन रोग लुकाउ नेपाल बन्द छ ।
खेल्न जान्छु भन्ला नावालक छोराले,
ठ्याम्मै बाहिर नपठाउ नेपाल बन्द छ ।
को कतिबेला मर्छ कस्लाई के थाहा ?
सुरक्षामा सेना खटाउ नेपाल बन्द छ ।
आमा हराएको सुचना !
 |
- के आर ढकाल पोखरा |
आमा हराएको सुचना!
भोलिको राष्ट्रिय अखबारमा
मुल्यको चिन्ता बिना छापीदिनोस्,
एउटा बहुमुल्य ज्याकेट विज्ञापन ।
श्रद्धाञ्जली
|
- के आर ढकाल पोखरा |
श्रद्धाञ्जली
(अनुष्टुव छन्द)
तातेको बालुवा माथि, पाइला चाल लौ भने,म सक्थेँ उम्लिँदो तेल, मुखैमा हाल लौ भने !म आगो निल्न तम्सन्थेँ, आँधि रोकेर हिँड्दथेँ,म शैल हातमा बोकि, समुन्द्र पार तर्दथेँ !
लघुकथा : "आस"
 |
के.आर. ढकाल शुक्लागण्की-१, तनहुँ । |
लघुकथा : "आस"
"कुन दिन दशा लागेर तँ जस्ती पाखेलाई स्वास्नी बनाउन पुगेछु भनेनी…" सौरभ भुतभुतायो ।
सरिता अघिसम्म चर्कै बोलेकी थिई, अबभने सुकसुकाउँदै बोल्न थाली, "लोग्नेमान्छे न परे, म बिहे गरेर ल्याएकी भएर पाखे भएँ, त्यै पाखाकी अरु त राजकुमारी देख्छन् ।"
मेरो प्रेमपत्र (शृंखला - १, के आर ढकालको पत्र अनामिकालाई)
|
| -के आर ढकाल पोखरा |
के आर ढकालको पत्र अनामिकालाई
मिति : २०७२/११/०२
प्रिय अनामिका,
आराम रहि आरामताको कामना गर्दछु ।
जीवनका गोरेटाहरुमा पाइला चाल्दै जाँदा एउटा सुन्दर बगैँचामा कुनै भ्रमरको व्यग्र पतिक्षा गरि आफ्नो यौवनलाई फक्राएर सजिएकी सुन्दर कुसुमलाई पहिलो पत्रमा नै प्रिय को सम्बोधन गरेँ, थाहा छैन यो कति सम्म उपयुक्त छ ? तर जुन दिन तिमीलाई देखेँ तिम्रो त्यही नसालु नजर, मन्द मुस्कुराहट र चतुर चालले गर्दा होला मस्तिस्कलाई मुटुले जितेर तिम्रो नामको अगाडि प्रिय शब्द थपिदियो, फलस्वरुप यो पत्रमा पनि त्यै शब्द लेखिदिएछ हातको कलमले । तिमी एक झल्को देखियौ र तुरुन्तै लुक्यौ पनि, तर यो लुकामारी झन अविश्मरणीय बन्न पुग्यो फिक्का बादलभित्र लुकेको पूर्णिमाको जुन सरी……।
“हो अनामिका, तिमी नै मेरो माता, पिता, वन्धु, मित्र, विद्या र धन हौ । अब यो संसारमा तिमी भन्दा बाहेक मैले प्राप्त गर्नुपर्ने कुनै बस्तु छैन ।”
.png)
02 September, 2023
रणभूमिका कविताहरु
|
- K. R. Dhakal Pokhara |
रणभूमिका कविताहरु
आज,तिम्रा र मेरा विचारहरुअक्षर, शब्द र भावहरुरणभूमिमा कुरिरहेछन्शंखनादको चर्को धूनगर्नलाई कविताहरुको युद्ध ।
Subscribe to:
Comments (Atom)
